पर्वतमा पहिरो, ५ को मृत्यु, ४ बेपत्ता

पोखरा, जेठ ३२ । पर्वतको कुस्मा नगरपालिका वडा नम्बर ३ दुर्लुङको ढकालबारी भन्ने ठाउँमा पहिरोले पुरिएर ५ जनाको मृत्यु भएको छ भने ४ जना अझै बेपत्ता छन् । शनिबार राति परेको भिषण वर्षासँगै बस्ती माथिवाट आएको पहिरोले शनिबार राति ३ जनाको शब पुरिएको अवस्थामा भेटिएको थियो भने आइतबार विहान दुई जनाको शब फेला परेको छ । पहिरोले पुरिएका दिपा थापा र कमला विकको शब आइतबार विहान भेटिएको हो ।
यस अघि शनिवार साँझै पहिरोमा पुरिएका ५८ बर्षिय तुलबहादुर थापा, उहाँकी श्रीमती मीन कुमारी थापा र नातिनि विविशा थापाको शब फेला परेको थियो । सम्राट थापा, विवेक थापा, जेनिस विक र प्रमिसा विक बेपत्ता छन् ।
कुश्मा नगरपालिका वडा नं.३ का वडा अध्यक्ष तेजप्रसाद पाध्याका अनुसार राती दुई बजेसम्म तुलबहादुर थापा, उहाँकी श्रीमती नीलकुमारी थापा र छोरीतर्फकी नातिनी १० वर्षीय विविशा थापाको शव भेटिएको जानकारी दिनुभयो । राती पनि वर्षा भएको र अध्यारोका कारण खोजी कार्य गर्न कठिन भएकाले बिहानैदेखि नेपाल प्रहरी, नेपाली सेना र स्थानीयको सक्रियतामा खोजीकार्य जारी राखिएको अध्यक्ष पाध्याले बताउनुभयो ।