कोरोनाभाइरसः थप ४२५ सङ्क्रमित, कुल सङ्ख्या ५७६०, थप एकको मृत्यु
पोखरा, जेठ ३२। नेपालमा थप ४२५ जना सङ्क्रमित भएका छन् । पुरूष ३७५ र महिला ५० जना सङ्क्रमित भएका हुन् । योसँगै सङ्क्रमितको सङ्ख्या पाँच हजार ७६० पुगेको आइतबार आयोजित नियमित पत्रकार सम्मेलनमा स्वास्थ्य तथा जनसङ्ख्या मन्त्रालयका प्रवक्ता डा.जागेश्वर गौतमले बताउनुभएको हो । त्यस्तै आज ६ जना डिस्चार्ज भएसँगै हालसम्म ९७४ जना डिस्चार्ज भएका छन् । नेपालमा भाइरसका कारण मृत्यु हुनेको सङ्ख्या १९ पुगेको छ ।
क्वारेन्टाइनमै मृत्यु भएका गुल्मीका ३६ वर्षका एक पुरुषमा कोरोना भाइरस पुष्टि भएको छ । उनी भारतबाट नेपालमा आएर क्वारेन्टाइनमा बसेका थिए ।
