पुनस्र्थापन चर्चले जित्यो फुटसलको प्रथम उपाधि
पोखरा । पुनस्र्थापन चर्च (Restoration Church) , लेकसाइडले मारानाथा चर्च कस्केरीलाई फाइनल खेलमा ३–२ गोलको अन्तरले हराउँदै प्रथम एन. जिसी टिनेजर फुटसल टुर्नामेन्ट २०७६को प्रथम उपाधि हात पारेको छ । विजेता टिमले नगद रु १० हजार ट्रफी, मेडल तथा प्रमाणपत्र जित्न सफल भयो भने उपविजेता मारानाथा चर्चले नगद रु ५ हजार, ट्रफी, मेडल तथा प्रमाण पत्र प्राप्त गरेको छ ।
निकै रोमाञ्चक भएको फाइनल खेलमा प्रथम उपाधी उचाल्न सफल पुनस्र्थापन चर्च समुहका लागि कुशल परियार, सन्दिप सुवेदी र सुजल राईले खेलको पहिलो हाफमा नै समान एक गोल गरे । त्यस्तै मारानाथा चर्चका लागि बिनय तामाङले पहिलो हाफमा सुरुवाती एक गोल गरे र दोस्रो हाफमा सुकराज तामाङले एक गोल थपेतापनि एक गोलको अन्तरले प्रथम उपाधी चुम्नबाट बन्चित भयो । खेलको म्यान अफ द म्याच पुनस्र्थापन चर्चकै सुजल राई भए भने बेस्ट किपरको उपाधी पनि उनले आफ्नो पोल्टामा पारे, त्यसैगरी हाई स्कोररको पुरस्कार पुनस्र्थापनकै कुशल परियारले जिते भने बेस्ट प्लेयरको उपाधी मारानाथाका बिनय तामाङले पाए ।
खेलको अन्तिम दिनमा समापन कार्यक्रममा प्रमुख अतिथीको रुपमा पोखरेली ख्रीष्टिय समुदायका अध्यक्ष हरिराम घिमिरे हुनुहन्थ्यो भने विशेष अतिथीको रुपमा हिमालयन लाइफ नेपालका निर्देशक तथा नयाँगाउँ चर्चका एल्डर चनमन श्रीमल हुनुहुन्थ्यो त्यसैगरी सभाध्यक्ष नयाँगाउँ चर्चका पाष्टर ग्रीष्म केशब पराजुली हुनुहुनथ्यो । खेलका संयोजक सुरज सुनारले पोखरामा पहिलोपल्ट टिनेजर फुटसल राख्न पाउँदा आफुलाई एकदमै खुसी लागेको, नयाँनयाँ टिनेजर भाईबहिनीहरुलाई एक थलोमा भेटघाट तथा संगति गराउन पाएको साथै सहभागी चर्चको उपस्थिति तथा सहयोगले आगामी दिनहरुमा पनि यो भन्दा राम्रो कार्यक्रम गर्ने उत्साह मिलेको बताउनुभयो ।
