कोरोना भाइरसः नेपालमा कुल संक्रमित ६०३, निको हुनेको संख्या ९३

पोखरा, जेठ ११ गते । कोरोना परीक्षणमा थप १९ जनामा कोरोना संक्रमण पुष्टि भएको छ । नेपालमा संक्रमित संख्या ६०३ पुगेको स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता डा.विकास देवकोटाले बताए । त्यसैगरी, थप सातजना निको भएका छन् । योसँगै कोभिड–१९ बाट निको भएको संख्या ९४ पुगेको छ । आइसोलेसनमा ५१३ जना बसेको कुरा उनले जानकारी दिए ।