नदीपुर चर्चद्वारा सरसफाई कार्यक्रम सम्पन्न
“स्वच्छ वातावरण, सुन्दर नगर” भन्ने मूल नारालाई आत्मासाथ गर्दै नदीपुर चर्च पोखराको आयोजनामा उक्त चर्चको दाजुभाई तथा जवान समुहको सक्रियतामा पोखरा लेखनाथ माहानगर पालिका निलगिरी टोल आसपासको क्षेत्रमा सरसफाई कार्यक्रम सम्पन्न गरेको छ। शनीवारे आराधना संगति समापन भए लगतै सरसफाई कार्यक्रममा लागेका चर्चका दाजुभाइ तथा जवानहरुको झुण्डद्वारा टोल वरिपरिको बाटो घाटोमा अव्यवस्थित ढंगले फालिएको फोहोरहरुलाई संकलन गरि व्यवस्थापन गरिएको हो।
नदीपुर चर्चको अगुवा तथा रेडियो एपोष्टल १०२.६ मेगा हर्जका स्टेसन म्यानेजर अनिल शाहीका अनुशार नदीपुर चर्चले विगत देखि नै आफ्नो वार्षिक कार्य योजना अनुरुप यस्तै सामाजिक कार्य गर्दै आइरहेको बताउनुभयो। आगामी दिनमा पनि चर्चको लक्ष्य अनुसार विविध सामाजिक कार्यहरु गरि परमेस्वरको महिमा गर्दै चर्चलाई सुसमाचार नपुगेको समाजमा नमुनित गर्ने बताउनुभयो । कार्यक्रम चर्चका पास्टर मेथ्यु फिलिपको नेतृत्त्वमा सम्पन्न भएको थियो ।
