आत्मिक जागृति तथा चंगाई सम्मेलन
विश्वासीहरुमाझ आत्मिक बिकास तथा विभिन्न शारिरिक, मानसिक तथा आत्मिक रोगबाट छुटकाराको उद्धेश्यले प्रेरित चर्च घारीपाटन तथा ने.ख्री तालचोक चर्चको संयुक्त आयोजनामा दुई दिने आत्मिक सम्मेलनको आयोजना गरियो । कार्यक्रममा प्रमुख वक्ताको रुपमा बाइबलका कुशल शिक्षक तथा चंगाईको वरदान भएका फ्रान्सबाट रेमी बेली आउनुभएको थियो ।
सम्मेलनमा लुका ४ अध्यायका अनुसार धरै शारिरिक रोगहरु जस्तै आखाँको समस्या, हात नचल्ने समस्या, ढाड सम्बन्धी समस्या, पायल्स, प्यारालाइसिस, पेटमा भएको डल्लो कान नसुुन्ने समस्याबाट मानिसहरु निको भएको साथै एक जना क्यान्सर पिडित जो केमो थेरापी गरिरहनुभएको थियो उहाँले पहिले हात उठाउन सक्नुहुँदैनथ्यो तर पछि सक्नुभएको कुरा कार्यक्रमका संयोजकद्वय पा.अनमोल गुरुङ तथा एल्डर सुबास मल्लले बताउनुभयो ।
कार्यक्रमबाट लगभग ८५० जनाले लाभ उठाएका छन । उपस्थित व्यक्तिहरुमध्ये ५० प्रतिशत मानिसहरु बिरामीहरु थिए जसमा सत्तरी प्रतिशत निको भएर उत्साहित हुुँदै घर फर्केका छन साथै उक्त कार्यक्रममा केहि व्यक्तिहरुले आफ्नै राजिखुसीले येशू ख्रीष्टलाई ग्रहण समेत गरेका छन । कार्यक्रम ने.ख्री तालचोक चर्च तथा बिजय चर्च अमरसिँहमा भएको थियो ।
