कास्कीको माछापुच्छे गाउँपालिकामा पहिरो जाँदा एकै परिवारका ३ को मृत्यु

पोखरा, साउन २ । कास्कीको माछापुच्छे गाउँपालिका ८ स्थित खोरकोमुखमा पहिरो जादाँ एकै परिवारका तीन जनाको मृत्यु भएको छ । अविरल वर्षाको कारण घर माथीबाट आएको पहिरोले प्रेमराज विकको घर पुरीदा उनका नाती र नातीनाको मृत्यु भएको कास्की प्रहरीले जनाएको छ। प्रेमराज विकका १६ वर्षिय नाती कुसल विक, नातिनी १६ बर्षिय रोजीना विक र नाती १४ बर्षिय समिर विकको घटनास्थलमा नै मृत्यु भएको प्रहरीले जानकारी दिएको छ । तिनै जना प्रेमराज विकका नातीनातिना रहेको उनले बताए । घरमा ६ जना सुतिरहेको अवस्थामा माथिबाट पहिरो खसेको थियो र बाँकी ३ जना शकुसल रहेको जानकारी प्राप्त भएको छ
कास्कीमा केही दिन पहिले भिन्दा भिन्दै पहिरोमा परि ७ जनाको मृत्यु भएको थियो । घटनास्थलमा प्रहरीको टोली पुगेर शव बाहिर निकाली सकेको छ ।