वीरगञ्जमा थप एक जनामा कोरोना देखियो, संक्रमितको संख्या ६०

वीरगञ्ज । वीरगञ्ज महानगरपालिका –३ छपकैयाका ३६ वर्षीय पुरुषमा कोरोना संक्रमण फेला परेपछि नेपालमा कोरोना भाइरस संक्रमितको संख्या ६० पुगेको छ ।
नारायणी अस्पतालका मेडिकल सुपरिटेन्डेन्ट डा. मदन उपाध्यायका अनुसार संक्रमण पुष्टि भएपछि संक्रमितलाई नारायणी अस्पताल ल्याइएको छ । उनी लकडाउनको बेलादेखि नै घरमै रहँदै आएका थिए । उनले रोजा बस्ने र नमाज घरमै पढ्ने गरेको उनका बाबुले बताए । उनको परिवारमा १७ जना सदस्य छन् ।