थप १०५ जनामा कोरोना पुष्टि, २ जनाको मृत्यु
काठमाडौँ । देशभर पछिल्लो २४ घण्टामा थप १०५ जनामा कोभिड–१९ को सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार योसँगै हालसम्म नेपालमा कोरोना भाइरस सङ्क्रमितको सङ्ख्या दुई लाख ७१ हजार ७०७ पुगेको छ ।
पछिल्लो २४ घण्टामा थप २७२ जना उपचारपछि निको भएका छन् । योसँगै निको हुनेको सङ्ख्या दुई लाख ६७ हजार ५६४ पुगेको छ । अहिले देशभर २ हजार १०८ सक्रिय सङ्क्रमित छन् ।
त्यसैगरी पछिल्लो २४ घण्टामा थप २ जनाका मृत्यु भएको छ । योसंगै नेपालमा कोरोना सङ्क्रमणबाट मृत्यु हुनेको सङ्ख्या दुई हजार ३५ पुगेको मन्त्रालयले जनाएको छ
