पोखरामा बन्दको प्रभावः सार्वजनिक यातयात ठप्प, पसल फाट्टफुट्ट (भिडियोसहित)

पोखरा, माघ २२ गते । नेपाल कम्युनिस्ट पार्टी नेकपा को पुष्पकमल दाहाल प्रचण्ड–माधवकुमार नेपाल समूहले प्रतिनिधि सभा विघटन विरुद्ध बिहीबार देशव्यापी गरेको आमहड्तालको प्रभाव पोखरामा पनि परेको छ ।
पोखरामा बिहानैदेखि सार्वजनिक यातयातका साधनहरु चलेका छैनन भने केहि निजि सवारी साधनहरु लगात अत्यावश्यक रुपमा चल्ने सवारी साधन चलेका छन । पोखराका अधिकांश पसलहरु संचालनमा आएका छैनन, विहानै चल्ने स्कुल तथा कलेजहरु पनि बन्द रहेका छन ।
विहानै देखि पोखराका मुख्य मुख्य चोक, पृथ्वि चोक, महेन्द्रपुल, जिरो लगायत स्थानहरुमा बन्दकर्ताहरु भेला भएर प्रदर्शन गरिरहेका छन । उनीहरुले विभिन्न सवारी साधनहरुलाई रोकेर सोधपुछ गर्दै छोडिदिएका छन ।

Watch Video here…