छ सय ५९ जना थपिए, सात सय १८ सङ्क्रमित निको
काठमाडौं, पुस १३ गते ।स्वास्थ्य तथा जनसंख्या मन्त्रालयका अनुसार नेपालमा कोरोना भाइरसका छ सय ५९ जना सङ्क्रमित थपिएका छन् । थपिएका सङ्क्रमितसँगै कुल सङ्क्रमित दुई लाख ५८ हजार ८४० पुगेको छ । हालसम्म १९ लाख १५ हजार २३२ जनाको आरटीपीसीआर परीक्षण गरिएको छ ।
पछिल्लो चौबीस घण्टामा पाँच हजार ५७८ आरटीपीसीआर परीक्षण गरिएकोमा सो संख्यामा सङ्क्रमणको पुष्टि भएको हो । मन्त्रालयका अनुसार हाल छ हजार ४२७ जनामा भाइरसको सङ्क्रमण सक्रिय छ । पछिल्लो चौबीस घण्टामा सात सय १८ जना सङ्क्रमित निको भएका छन् । निको भएकाहरुको संख्या दुईलाख ५० हजार ५८१ पुगेको छ । नेपालमा कोरोना संक्रमित हुने दर ९६.८१ प्रतिशत रहेको छ ।
पछिल्लो चौबीस घण्टामा सातजना सङ्क्रमितको मृत्युको पुष्टि भएको छ । हालसम्म नेपालमा कोरोना सङ्क्रमणबाट एक हजार ८३२ जनाको मृत्यु दर्ता गरिएको छ । हाल छ हजार ४२७ जना आइसोलेशनमा र तीन सय ६९ जना क्वारेन्टिनमा छन् ।
