रोनाल्डोको भविष्य युभेन्टसमै
एजेन्सी – पछिल्लो पटक अन्तर्राष्ट्रिय विश्रामका दौरान युभेन्ट्सका सुपर स्टार क्रिस्टियानो रोनाल्डो नयाँ क्लबमा जाने विषयमा चर्चा भएको थियो । तर, पोर्चुगलको कप्तान समेत रहेका रोनाल्डो सन् २०२२ सम्म सम्झौता रहँदा सम्म युभेन्ट्समै रहने विश्वास गरिएको छ ।
टुरिनबाट प्रकाशित हुने टुटो स्पोर्टसले रोनाल्डो आफै पनि सम्झौता रहँदा सम्म युभेन्ट्समै रहने प्रकाशित भएको थियो । टोलीका प्रशिक्षक आन्द्रे पिर्लोसँग रोनाल्डोको सम्बन्ध हार्दिकतापूर्ण रहेको बताइन्छ ।
पिर्लो र रोनाल्डोबीचको पहिलो भेटघाटबाट नै उनीहरुबीचको सम्बन्ध राम्रो रहेको बताइन्छ । पिर्लो पनि रोनाल्डोलाई क्लबमा चाहन्छन् । रोनाल्डो पनि उनको पहिलो सिजनमा नयाँ प्रशिक्षकको योजनामा साथ दिन चाहन्छन् ।
उनीहरुबीच कुराकानी भएको छ,’ सञ्चारमाध्यममा भनिएको छ, ‘उनी २०२२ सम्म त्यहि रहनेछन् ।’ युभेन्ट्सका खेलकुद निर्देशक फाबियो पाराटिसीले पनि रोनाल्डो क्लबमै रहने विश्वास व्यक्त गरेका छन् ।
‘रोनाल्डोको भविष्यमा युभेन्ट्समै छ, उनले भनेका छन्, ‘निश्चय नै समाचारहरु आउँछन् । तर हामीले त्यसमा चासो राख्न आवश्यक छैन ।’
