नेपालमा थप एक हजार ९८० जना सङ्क्रमित, तीन हजार ४३ जना निको
काठमाडौं, मङ्सिर ८ गते । स्वास्थ्य तथा जनसंख्या मन्त्रालयका अनुसार नेपालमा कोरोना भाइरसका एक हजार ९८० जना सङ्क्रमित थपिएका छन् । थपिएका सङ्क्रमितसँगै नेपालमा कुल सङ्क्रमितको संख्या दुई लाख २२ हजार २८८ पुगेको हो। यो सँगै सक्रिय सङ्क्रमित संख्या १८ हजार ८८४ रहेका छन् । दश हजार ३८१ आरटी पीसीआर परीक्षणमा सो संख्यामा संक्रमित थपिएका हुन् ।
त्यस्तै तीन हजार ४३ जना निको भएका छन । निको हुनेको संख्या दुई लाख दुई हजार ६७ जना पुगेको छ । नेपालमा अहिले कोरोना संक्रमणमुक्त हुने दर ९०.९० प्रतिशत पुगेको छ ।
पछिल्लो चौबीस घण्टामा नेपालमा थप १६ जनाको मृत्यु भएको छ । हालसम्म कोरोनाबाट मृत्यु हुनेको संख्या एक हजार ३३७ पुगेको छ ।
