कोरोना अपडेटः थप तीन हजार ९३ सङ्क्रमित, दुई हजार १०८ निको
पोखरा, कात्तिक ४ गते । स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा नेपालमा कोरोना भाइरसका तीन हजार ९३ सङ्क्रमित थपिएका छन् । थपिएका संक्रमितसँगै नेपालमा कुल सङ्क्रमित संख्या एक लाख ३९ हजार १२९ पुगेको छ। हाल ४१ हजार ७५५ जनामा भाइरसको सङ्क्रमण सक्रिय छ ।
त्यसैगरी पछिल्लो चौबीस घण्टामा दुई हजार १०८ जना कोरोना सङ्क्रमित निको भएर घर फर्केका छन् । हालसम्म ९६ हजार ६०९ जना सङ्क्रमित निको भएर घर फर्केका छन् । निको हुने दर विगतको तुलनामा केही दिनदेखि कम हुँदै गइरहेको छ ।
पछिल्लो २४ घण्टामा ८ जनाको कोरोना भाइरसका कारण मृत्यु भएको छ । योसँगै नेपालमा कोभिड–१९ को कारणले मृत्यु हुनेको संख्या ७६५ पुगेको छ ।
