कोरोना अपडेटः थप ३७८ जनामा संक्रमण थप तीनको मृत्यु
पोखरा, साउन २४। स्वास्थ्य तथा जनसङ्ख्या मन्त्रालयले आफ्नो दैनिक प्रेस ब्रिफिङको क्रममा पछिल्लो चौबीस घण्टामा कोरोनाभाइरसका ३७८ जना नयाँ सङ्क्रमित थपिएको जानकारी दिएको छ। योसँगै नेपालमा कुल सङ्क्रमितको सङ्ख्या २२ हजार ५९२ पुगेको स्वास्थ्य तथा जनसङ्ख्या मन्त्रालयले जनाएको छ । ४९९ जना कोरोनामुक्त भएर घर फर्केका छन मन्त्रालयका प्रवक्ता डा.जोगश्वर गौतमका अनुसार पछिल्लो चौबीस घण्टामा मृत्यु भएका तीन जनामा सङ्क्रमणको पुष्टि भएको छ । योसँगै कोरोना सङ्क्रमणबाट मृत्यु हुनेको सङ्ख्या ७३ पुगेको छ । हालसम्म १६ हजार ३१३ जना कोरोनामुक्त भएका छन् ।
