थप १४४मा कोरोना संक्रमण , संख्या कुल १६,९४५ ,डिस्चार्ज प्रतिशत ६०.७
पोखरा, असार २९ गते । पछिल्लो २४ घण्टामा १४४ जनामा कोरोना सङ्क्रमण पुष्टि भएको छ । योसँगै कुल सङ्क्रमित १६ हजार ९४५ पुगेको स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा मन्त्रालयका प्रवक्ता प्रा.डा जागेश्वर गौतमले जानकारी दिनुभएको हो । नेपालमा अहिले सकृय सङ्क्रमित छ हजार ६१३ रहेका छन् ।
पछिल्लो २४ घण्टामा पाँच हजार ८५६हजार पीसीआर परीक्षण भएको छ । क्वारेन्टाइनमा २३ हजार ४७० र आइसोलेसनमा छ हजार ६१३ हजार रहेका छन् । ५२५ जना रेड जोनमा रहेका छन् । पछिल्लो २४ घण्टामा कोही पनि रेड जोनमा परेक छैन । आज १७०५ जना सङ्क्रमित निको भएर डिस्चार्ज हुनुभएको छ । योसँगै १० हजार २९४ पुगेको छ । यो कुल सङ्क्रमित भएर निको भएको सङ्ख्याको ६०.७ प्रतिशत हो ।
