कोरोना भाइरस ताजा अपडेटः थप ४२१ जना सङ्क्रमित, कुल सङ्क्रमित नौ हजार २६, थप एकको मृत्यु

पोखरा, असार ७ । स्वास्थ्य तथा जनसंख्या मन्त्रालयको नियमित पत्रकार सम्मेलन मार्फत प्रा.डा. जागेश्वर गौतमका अनुसार नेपालमा थप ४२१ जना सङ्क्रमित भएका छन् । योसँगै कुल सङ्क्रमित नौ हजार २६ पुगेको छ । थप १९४ जना निको भएर डिस्चार्ज भएका छन् । योसँगै एक हजार ७७२ निको भएका छन् ।
रेड जोनमा ५०५ जना पुगेको छ । आज २ जना रेड जोनमा परेका छन् । पछिल्लो २४ घण्टामा छ हजार ८ जनाको नमूनाको पीसीआर टेस्टमा कोरोना पुष्टि भएको हो ।
गुल्मीका एक पुरूषको मृत्यु भएको छ । असार ५ गते घरमै मृत्यु भएको हो । उहाँको स्वाब परीक्षणमा कोरोना पाइएको हो । योसँगै २३ जनाको मृत्यु भएको छ ।