आयाक्सले टोटेनहमलाई उसकै मैदानमा हरायो
एजेन्सी । च्याम्पियन्स लिग फुटबल खेल अन्तर्गत सेमिफाइनलको पहिलो लेगमा आयाक्सले टोटेनहमलाई उसकै घरेलु मैदानमा १–० गोलको अन्तरले पराजित गरेको छ ।
खेलमा पाहुना टोली आयाक्सका लागि भान डे बिकले पहिलो हाफको १५ औँ मिनेटमा गरेको गोल नै निर्णायक सावित भयो । पहिलो हाफको सुरुवाती समयमा आयाक्सले उत्कृष्ट प्रदर्शन गर्दै घरेलु टोलीलाई दवावमा राखेको थियो । आयाक्सले पहिलो हाफमा गरेका थुप्रै उत्कृष्ट प्रहार गरेतापनि गोल हुन सकेन ।
दोस्रो हाफमा टोटेनहमले खेलमा दवाव कायम गरेपनि गोल गर्न असफल रह्यो । आयाक्सका डेविड नेरेसको दोस्रो हाफको प्रहार पोस्टमा लागेर फर्कंदा टोटेनहम थप पछाडी पर्नबाट जोगिएको थियो ।
अब दोस्रो लेगको खेल आयाक्सको मैदानमा मे ८ तारिखमा हुनेछ ।
