अग्यूरोको गोलसँगै म्यानचेस्टर सिटीले जित्यो कम्यूनिटी शिल्डको उपाधि

आइतबार बेलुका वेम्बली स्टेडियममा भएको खेलमा चेल्सीलाई २–० ले हराउँदै म्यानचेस्टर सिटीले कम्यूनिटी शिल्डको उपाधि जितेको छ । सिटीले सिजनको पहिलो उपाधि कम्युनिटी शिल्ड जितेको हो । सिटीको जितमा दुबै गोल गरेका सर्जियो अग्यूरो उक्त खेलका नायक बने । पहिलो हाफको १३ औं मिनेटमा गोल गर्दै अग्यूरोले सिटीलाई सुरूवाती अग्रता दिलाएका थिए । पहिलो हाफसम्म १–० ले अगाडि रहेको सिटीका लागि दोस्रो हाफको ५८ औं मिनेटमा अग्यूरोले व्यक्तिगत दोस्रो गोल गरेपछि सिटी २–० को जित निकाल्न सफल भयो । यो सँगै अग्युरोले सिटीका लागि आफ्नो २ सयौं गोल पुरा गरेका छन् । कम्यूनिटी शिल्ड कप प्रिमियर लिग बिजेता र एफए कप विजेता टिम बिचमा हुुने गर्दछ । सिटी प्रिमियर लिग विजेता र चेल्सी एफए कप विजेताको रुपमा कम्युनिटी शिल्डको लागि प्रतिस्पर्धा गरेका हुन् । यो सँगै सिटीले पाँचौ पटक कम्यूनिटी शिल्डको उपाधि जितेको हो । कम्युनिटी शिल्डमा सर्र्वािधक सफल टिम म्यानचेस्टर युनाइटेड हो । युनाइटेडले हालसम्म २१ पटक कम्युनिटी शिल्डको उपाधि जितेको छ । यता, चेल्सी भने पुन पाँचौं पटक कम्युनिटी फाइनलमा पराजित भयो ।