विलिभर्स इष्र्टन चर्चमा ख्रीष्टमस कार्यक्रम सम्पन्न
प्रभु येशू ख्रीष्टको जन्मोत्सव भव्य रुपमा मनाईने ख्रीष्टमस कार्यक्रम विलिभर्स इष्र्टन चर्चमा सम्पन्न भएको छ । दिप प्रज्जवलनबाट सुरु भएको उक्त कार्यक्रम नेपालको राष्ट्रिय गान सँगै अगाडि बढेको थियो । बाईबल धर्मशास्त्र यूहन्ना ३ः१६ पदबाट “परमेश्वरले संसारलाई प्रेम गर्नुभयो” भन्ने विषयमा प्रवचनको साथमा ख्रीष्टमस शुभकामना रेभ.फा.शशीधर चापाईले दिनुभएको थियो । विलिभर्स इष्र्टन चर्चद्वारा गरिएको कार्यक्रममा सभापति एल्डर चोवेन्द्र कुवँर, प्रमूख अतिथि पोखरा महानगरपालिका वडा नं. ८ का अध्यक्ष रुद्रनाथ बराल, बिशेष अतिथिमा पोखरा डायोसिस सेक्रेटरी रेभ.फा.शशीधर चापाई साथै अतिथीहरुमा वडा समितिका सदस्यहरु किरण गौतम, पुष्पराज सिग्देल र किष्ण मान ढूसाजु रहनुभएको थियो । उक्त कार्यक्रममा उपस्थित अतिथिद्दारा दिप प्रज्वलन गरि ख्रिष्टमस कार्यक्रम उत्घाटन गरिएको थियो । कार्यक्रमा स्वागत मन्तव्य कार्यक्रम संचालक मौसम राईले दिनुभएको थियो । कार्यक्रममा विभिन्न स्वागत नृत्य, ख्रीष्टमय भजनहरु, गायन तथा संगितहरु रहेका थिए । “राज्यको दायित्व सबै धर्मलाई सम्मानु गर्नु हो” भन्दै अध्यक्ष बरालद्वारा शुभकामना मन्त्व्य दिनुभएको थियो । उपस्थित अथितिहरुले पनि उक्त कार्यक्रममा शुभकामना मन्तव्य दिनुभएको थियो । प्रमुख अतिथिको हातबाट एकल महिलालाई उपहार वितरण गरिएको थियो । उक्त कार्यक्रम बिशेष अतिथि रेभ.फा.शशीधर चापाईको अन्तिम प्रार्थना पश्चात कार्यक्रम समापन भएको थियो ।
