रुबीना दिलैकले जितिन बिग बोस–१४

नयाँ दिल्ली, फागुन १० । दर्शकहरुको अनुमानलाई सही सावित गर्दै रुबीना दिलैकले बिग बोस सीजन–१४ को उपाधि आफ्नो पक्षमा पार्न सफल भएकी छिन् ।
शोका सञ्चालक सलमान खानले विजेताको नाम घोषणा गरेका हुन् । विजेता भएसंगै रुबीनाले ट्रफीसहित करिव ५८ लाख रुपैयाँ धनराशि पनि पुरस्कारको रुपमा पाएकी छिन् । रुबीनालाई विजेताको रुपमा घोषणा गरिंदा उनका प्रशंसकहरुमा खुशीको लहर छाएको छ । रुबीना हिन्दी धारावाहिक “छोटी बहू”, शक्तिकी लोकप्रिय कलाकार हुन् ।
प्रतियोगितामा गायक राहुल वैद्य फस्ट रनर्स अप भएका छन् । उनी इन्डिय आइडलको पहिलो सिजनमा समेत उप–विजेतामा सिमित भएका थिए । बिग बोसको यो सीजनमा रुबीनाका श्रीमान् अभिनव शुक्ला पनि प्रतिस्पर्धि थिए । यस्तै निशान्त सिंह मलकानी, राखी सावन्त, जस्मिन भसीन, सारा गुरपाल, पवित्रा पुनिया, जान कुमार सानु, शहज़ाद देओल, निक्की तंबोली र एजाज खान समेत बिग बोसका प्रतिस्पर्धि थिए । बिग बोस–१४ को सीजन गत ३ अक्टोबर २०२० का दिनदेखि प्रारम्भ भएको थियो ।
यो शो १ सय ३८ दिनसम्म सञ्चालन भयो ।