पछिल्लो २४ घण्टामा देशभर १६ सय १४ जनामा कोरोना संक्रमण पुष्टि
पोखरा, मंसिर ११ गते । नेपालमा पछिल्लो २४ घण्टामा थप १ हजार ६ सय १४ जना व्यक्तिहरुमा कोरोना भाइरसको संक्रमण पुष्टि भएको छ। यससँगै नेपालमा हालसम्म कोरोना संक्रमितको कुल संख्या २ लाख २७ हजार ६४० पुगेको छ।
स्वास्थ्य तथा जनसंख्या मन्त्रालयका अनुसार बिहीबार देशभर १ हजार ४ सय ३७ जना कोरोना संक्रमित डिस्चार्ज भएका छन्।
यससँगै हालसम्म डिस्चार्ज हुनेको संख्या २ लाख ९ हजार ४ सय ३५ पुगेको छ। हाल देशभर १६ हजार ७ सय ९३ जना व्यक्तिहरु सक्रिय संक्रमित रहेका छन् भने ६ सय ८० जना क्वारेन्टिनमा छन्।
