कोरोना अपडेटः १,३५१ जना सङ्क्रमित, ७४२ जना निको
पोखरा, असोज १२ गते । स्वास्थ्य तथा जनसंख्या मन्त्रालयका अनुसार नेपालमा कोभिड–१९ का एक हजार ३५१ जना सङ्क्रमित थपिएका छन् । थपिएका नयाँ सङ्क्रमितसँगै कुल सङ्क्रमित ७४ हजार ७४५ पुगेको छ । पछिल्लो चौबीस घण्टामा १० हजार ८० वटा नमूना परीक्षण गरिएको छ ।
त्यस्तै चौबीस घण्टामा ७४२ जना सङ्क्रमित निको भएर घर फर्केका छन् । यससँगै निको भएकाको सङ्ख्या ५४ हजार ६४० पुगेको छ । कोरोना सङ्क्रमणमुक्त हुने दर ७३ प्रतिशत पुगेको छ । आइसोलेसनमा र सकृय सङ्क्रमित १९ हजार ६२४ पुगेको छ । क्वारेन्टिनमा छ हजार ३१० जना छन् ।
त्यसैगरी कोरोना संक्रमणको कारण पछिल्लो चौबीस घण्टामा ४ जनाको मृत्यु भएको छ । योसँगै नेपालमा कुल मृत्यु हुने कोरोना सङ्क्रमितको सङ्ख्या ४८१ पुगेको छ ।
