कोरोना अपडेट: थप एक हजार १५४ जना सङ्क्रमित कुल ६५ हजार २७६
पोखरा, असोज ५ गते ।स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा नेपालमा कोरोनाभाइरसका एक हजार १५४ जना सङ्क्रमित थपिएका छन् । थपिएका नयाँ सङ्क्रमितसँगै नेपालमा कुल सङ्क्रमितको संख्या ६५ हजार २७६ जना पुगेको जनाएको छ। त्यसैगरी पछिल्लो चौबीस घण्टामा एक हजार पाँचजना सङ्क्रमित निको भएर घर फर्केका छन् । कुल ४७ हजार २३८ जना निको भएका छन् । कोरोना संक्रमणमुक्त हुने दर ७२ प्रतिशत पुगेको छ । हाल १७ हजार ६११ जनामा सङ्क्रमण सक्रिय रहेको छ । आइसोलेसनमा कुल १७ हजार ६११ पुगेको छ । क्वारेन्टिनमा सात हजार ४०३ जना छन् । देशभर संक्रमित भएर विरामी भएर आइसीयूमा रहेर १९६ जनाले उपचार गराइरहेका छन भने भेन्टिलेटरमा ३१ जना रहेका छन् ।
पछिल्लो २४ घण्टामा १६ जनाको मृत्यु भएको छ । पछिल्लो चौबीस घण्टामा सबैभन्दा बढी सङ्क्रमितको मृत्यु भएको हो । योसँगै कोरोना भाइरसका कारण मृत्यु भएका ४२७ पुगेको छ ।
