कोरोना अपडेटः थप ९०२ सङ्क्रमित, २,२८७ जना निको भए
पोखरा, भदौ २३ गते । स्वास्थ्य तथा जनसंख्या मन्त्रालयको नियमित पत्रकार सम्मेलनका अनुसार नेपालमा कोभिड–१९ का ९०२ सङ्क्रमित थपिएका छन् । थपिएका सङ्क्रमितसँगै देशभरि कुल सङ्क्रमितको सङ्ख्या ४८ हजार १३८ पुगेको हो । अहिले नेपालमा सकृय सङ्क्रमित १४ हजार ८६८ रहेका छन् ।
हालसम्म ३२ हजार ९६४ जना कोभिड–१९ सङक्रमित निको भएर घर फर्केको बताउनुभयो । पछिल्लो चौबीस घण्टामा दुईहजार २८७ जना निको भएका छन् । आइसोलेसनमा १४ हजार ८६८ रहेका छन् । क्वारेन्टिनमा पाँचहजार ३१० जना सङ्क्रमित रहेका छन् ।
पछिल्लो चौबीस घण्टामा छ जनाको मृत्यु भएको छ । योसँगै नेपालमा तीनसय छ जनाको कोरोना भाइरसका कारण मृत्यु भएको छ ।
