बुन्डेससलिगाः वार्यनको शानदार जित
पोखरा, जेठ १८ । जर्मन बुन्डेसालिगाअन्तर्गत शीर्ष स्थानको वायर्न म्युनिखले शनिबार राति भएको खेलमा वार्यनले फोर्टुना डुसलडोर्फलाई ५–० को फराकिलो अन्तरले पराजित गरेको छ । जितमा २ गोल गरेका रोबर्ट लेवान्डोस्कीले आफ्नै रेकर्ड बराबरी गरेका छन्।लेवान्डवस्कीले ४३औं र ५०औं मिनेटमा गोल गरे । यस्तै बेन्जामिन पाभार्डले २९औं र अल्फोन्सो डेभिसले ५२औं मिनेटमा गोल गरेका थिए । बार्यनले खेलको १५औं मिनेटमा अग्रता लिएको थियो । उक्त गोल भने डुसेलडोर्फका माथिएस जोर्गेनसनले आत्मघाती गरेका थिए ।
जितसँगै वायर्नले अंक तालिकामा १० अंकको अग्रता बनाएको छ। उसको २९ खेलबाट ६७ अंक छ। दोस्रो स्थानमा रहेको बोरुसिया डर्टमुन्डले एक खेल कम खेल्दै ५७ अंक जोडेको छ।
लिग लिडर बायर्न म्युनिखले जर्मन बुण्डेसलिगामा शानदार जितसहित उपाधि यात्रा थप मजबुत पारेको छ । शनिवार भएको खेलमा फर्चुना डुसेलडोर्फलाई फराकिलो अन्तरले पराजित गरेको बाय्नले दोस्रो थानको बोरुसिया डर्टमण्डमाथि १० अंकको फराकिलो अग्रता बनाएको छ ।
