वार्टफोर्डमाथी सिटीको सहज जित, स्ट्रलिङको ह्याट्रिक
एजेन्सी – प्रिमियर लिग अन्तरगत शनिबार राति भएको खेलमा सिटीले वाटफोर्डलाई ३–१ ले पराजित गरेको हो ।
रहिम स्ट्रलिङको ह्याट्रिकको सहयोगमा शीर्षस्थानको म्यानचेस्टर सिटीले इंग्लिस प्रिमियर लिग फुटबलमा वार्टफोर्डमाथी सहज जित हात पारेको छ ।
स्ट्रलिङले १४ मिनेटको अन्तरमा ह्याट्रिक पुरा गर्दै सिटीको जित पक्का गरे । उनले ४६औं मिनेटमा पहिलो गोल गरेका थिए । ५०औं मिनेटमा रियाद महारेजको पासमा रहिमले व्यक्तिगत दोस्रो गोल गरे । ५९ औं मिनेटमा रहिमले डेभिड सिल्भाको पासलाई सदुपयोग गर्दै ह्याट्रिक पुरा गरे । ६६औं मिनेटमा वाटफोर्डका जेरार्ड डेउलोफिउले गोल गर्दै गोल अन्तर कम गरेपनि हार टार्न सकेन । जितसँगै सिटीले दोस्रो स्थानको लिभरपुलसँग ४ अंकको अग्रता बनाएको छ । यद्दपि लिभरपुलले एक खेल कम खेलेको छ ।
