युभेन्टस कोपा इटालिया फुटबलको फाइनलमा
एजेन्सी। युभेन्टस कोपा इटालिया फुटबलको फाइनलमा प्रवेश गरेको छ । मंगलवार राति भएको सेमिफाइनलको दोस्रो लेगमा इन्टर मिलानलाई समग्रमा २–१ गोल अन्तरले पराजित गर्दै युभेन्टस फाइनलमा प्रवेश गरेको हो ।
सेमिफाइनलको दोस्रो लेगमा युभेन्टस र इन्टरले गोलरहित बराबरी खेलेका थिए । तर, पहिलो लेगमा निकालेको जितले युभेन्टस फाइनल प्रवेश गरेको हो ।
इन्टरको मैदानमा पहिलो लेगमा युभेन्टसले २–१ को जित निकालेको थियो । उपाधिको लागि युभेन्टसले नापोली र एटलान्टाबीचको विजेतासँग खेल्नेछ ।
दुई टोलिबीचको दोस्रो लेग बुधवार राति हुनेछ । कोपा इटालियाको फाइनल मे १९ मा हुनेछ ।
