कुलमानद्वारा उज्यालो पोखरा अभियान उद्घाटन
लाईट न्युज संवाददाता
पोखरा । १३ पौष २०७९ उज्यालो पोखरा अभियान अन्तर्गत पोखराका मुख्य–मुख्य चोकहरुमा जडान गरिएका हाइमास्ट स्ट्रिट लाइटको उद्घाटन भएको छ । पोखरा–१७ स्थित बिरौटाको चोकमा जडित लाईटलाई बाल्दै नेपाल विद्युत प्राधिकरणका कार्यकारी निर्देशक कुलमान घिसिङ तथा पोखरा महानगरपालिकाका प्रमुख धनराज आचार्यले यस अभियानको सुरुवात गर्नुभएको हो ।
नेपाल विद्युत प्राधिकरण तथा पोखरा महानगरपालिकाको साझेदारीमा उक्त स्मार्टबत्ती तथा हाई मास्ट जडान गरिएको हो । आज विरौटा, लेकसाइड लगायतका ठाउँहरुमा लाईटको उद्घाटन भएको छ । साथै पोखराका विभिन्न ठाउँहरुमा उक्त बत्ती जडान गर्ने, आगामी दिनमा पहिले जडित सडक बत्ति मर्मत पनि गर्ने कुराको जानकारी पोखराका मेयर आचार्यले दिनुभयो । उद्घाटन पछि बोल्दै नेपाल विद्यत प्राधिकरणका कार्यकारी निर्देशक घिसिङले यस उज्यालो अभियानलाई विभिन्न सहरहरुसँग समन्वय गर्दै नेपालका विभिन्न ठाउँहरुमा पनि विस्तार गर्ने कुरा राख्नुभयो ।
