सुशान्तको ‘छिछोरे’ उत्कृष्ट चलचित्र, कंगनालाई सर्वश्रेष्ठ अभिनेत्री पुरस्कार
मुम्बई, चैत्र ९ गते । सोमबार, ६७ औं राष्ट्रिय फिल्म पुरस्कारको घोषणा गरिएको छ । जसमा सन् २०१९ मा बनेका चलचित्र र ती चलचित्रमा खेलेका कलाकारहरुलाई सम्मानित गरिएको हो ।
दिवंगत अभिनेता सुशान्त सिंह राजपूत अभिनित चलचित्र ‘छिछोरे’ ले उत्कृष्ट चलचित्रको अवार्ड प्राप्त गरेको छ । यस्तै चलचित्र ‘मर्णिकर्णिका’ र ‘पंगा’ बाट अभिनेत्री कंगना रनौतले सर्वश्रेष्ठ अभिनेत्रीको अवार्ड पाएकी छिन् । अभिनेतामा चलचित्र ‘भोसले’ बाट मनोज वाजपेयी र ‘असुरान’ बाट धनुषले सर्वश्रेष्ठ अभिनेताको अवार्ड पाएका छन् ।
उत्कृष्ट फिचर फिल्मतर्फ भने मलयाली चलचित्र ‘मराक्कर लायन अफ द अरबियन सी’ ले पाएको छ ।
