आहा रारा गोल्डकपः यो वर्ष ८ टिमले सहभागिता जनाउँदै
पोखरा, चैत्र १ गते । अगामी चैत्र २१ देखि २८ गतेसम्म सन्चालन हुने आहा रारा गोल्डकपमा यो वर्ष ८ टिम भिड्ने भएका छन । सहारा क्लब पोखराद्वारा आयोजना हुने मोफसलकै चर्चित राष्ट्रिय फुटबल प्रतियोगिता आहा रारा गोल्डकपको यो १९ औं संस्करण हो । शनिबार सम्पन्न पत्रकार सम्मेलनमार्फत् आयोजकले यो वर्ष नेपाल आयल निगम मनाङ मस्र्याङ्दी क्लब, नेपाल पुलिस क्लब, रुस्लान थ्री स्टार क्लब, नेपाल एपिएफ क्लब, संकटा क्लब, मछिन्द्र क्लब, अफिर्कन रूट एसोसिएसन क्यामरुन र सहारा क्लब पोखरा सहभागी हुने जानकारी दिएको छ । टिममा १ विदेशी क्लब र ७ स्वदेशी क्लब रहेका छन ।
क्लबका अध्यक्ष केश बहादुर थापाका अनुसार प्रतियोगिताको विजेता टिमले नगद १० लाख १ हजार रुपैंया हात पार्नेछ भने उपविजेता टिमले नगद ५ लाख १ हजार प्राप्त गर्नेछ। साथै प्रतियोगितामा आयोजकले १ करोड २९ लाख १ हजार रुपैयाँ आम्दानी हुने अनुमान गरेको जनाएका छन् ।
