बार्सिलोना स्पेनिस कोपा डेल रेको सेमिफाइनलमा
एजेन्सी । स्पेनिस कोपा डेल रे फुटबल अन्तर्गत बुधबार राति भएको खेलमा बार्सिलोना विजयी भएको छ । अवे मैदानमा भएको खेलमा ग्रानाडालाई ५–३ ले पराजित गरेर बार्सिलोनाले सेमिफाइनलमा स्थान बनाएको हो । ग्रानाडाका लागि केनेडीले ३३ औँ, सोल्डाडोले ४७ औँ मिनेटमा गोल गरे । निर्धारित ९० मिनेटको अन्तिम तिर बार्सिलोनाले दुई गोल गरेर अतिरिक्त समयमा खेल लग्न सफल भयो ।
एन्टोनी ग्रिजम्यानले ८८ औँ तथा इन्जुरी समयको दोस्रो अर्थात ९२ औँ मिनेटमा जोर्डी अल्बाले गोल गरे । अतिरिक्त समयमा ग्रानाडाले एक तथा बार्सिलोनाले तीन गोल गर्न सफल भयो ।
ग्रिजम्यानले १०० औँ, डी जोङ्गले १०८ औँ तथा अल्बाले ११३ औँ मिनेटमा गोल गरे । यस्तै ग्रानाडाका लागि भिको भिलेगासले १०३ औँ मिनेटमा गोल गरे । अर्को खेलमा लेभान्टेले १–० ले भिल्लारियललाई पराजित गरेको छ ।
