थप एक हजार ५५१ जना सङ्क्रमित, दुई हजार ३४० निको
पोखरा, असोज २० गते । स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा नेपालमा कोरोना भाइरसका एक हजार ५५१ जना सङ्क्रमित थपिएका छन् । थपिएका एक हजार ५५१ जना सङ्क्रमितसहित नेपालमा कुल सङ्क्रमित ९० हजार ८१४ पुगेको छ । हाल २२ हजार ७०९ जनामा भाइरसको सङ्क्रमण सक्रिय छ । मन्त्रालयले पछिल्लो चौबीस घण्टामा दुई हजार ३४० जना कोरोना सङ्क्रमित निको भएर घर फर्केका छन् । हालसम्म ६७ हजार ५४२ सङ्क्रमित निको भएर घर फर्केका छन् ।
जुन कुल सङ्क्रमितको करिब ७३.३ प्रतिशत हो । आइसोलेसनमा २२ हजार ७०९ पुगेको छ भने क्वारेन्टिनमा चार हजार २२१ जना रहेका छन् ।
यस्तै, पछिल्लो चौबीस घण्टामा नौजनाको मृत्यु भएसँगै कोरोना भाइरसको कारणले मृत्यु हुनेको संख्या ५६३ पुगेको छ ।
