पोखरा–काठमाण्डौं उडान भोलिदेखि
पोखरा, असाज ४ । कोरोनाको महामारीका कारण चैत्र दोश्रो हप्ताबाट बन्द रहेको पोखराबाट हुने आन्तरिक हवाई सेवा सोमबारदेखि सुरु हुने भएको छ । पोखरा विमानस्थलका कार्यालय प्रमुखका अनुसार सरकारले तयार पारेका सम्पुर्ण प्रोटोकल पालन गरेर आन्तरिक उडान सुरु गर्न लागिएको छ । सोमबार पोखरा काठमाडौँ पोखरा उडान भर्न बुद्ध एअर र यति एअरले टिकट बुकिङ गरेका छन ।
सोमबारको पहिलो उडान बुद्ध एअरले भर्दैछ । बुद्ध एअरका पोखरा प्रमुख गौतम बरालका अनुसार सोमबार विहान ८.३० बजे काठमाण्डौंबाट पोखराका लागि पहिलो उडान हुनेछ । सोमबारका लागि २ वटा उडान छन् । सोमबारदेखि सुरु हुने आन्तरिक उडानमा भाडादर भने पुरानै अनुसार हुने एअरलायन्सहरुले बताएका छन् ।
त्यसैगरी पोखरा विमानस्थलबाट हवाई उडाउन हुने ४ गन्तब्य मध्ये अन्य ३ गन्तब्यमा कहिलेदेखि उडान हुन्छ त्यसको कुनै टुङ्गो छैन । पोखराबाट उडान हुने जोमसोममा, चितवनको भरतपुर र भैरहवामा हुने उडानका बारेमा एअरलायन्सहरु कुनै तयारी रहेको छैन ।
