कोरोना अपडेटः थप १५० संक्रमित, निको ६०९
पोखरा, साउन ६। पछिल्लो चौबीस घण्टामा गरिएको परीक्षण अनुसार नेपालमा कोभिड–१९का १५० जना नयाँ सङ्क्रमित थपिएका छन ।
स्वास्थ्य तथा जनसङ्ख्या मन्त्रालयले आफ्नो नियमित पत्रकार सम्मेलनमा पछिल्लो चौबीस घण्टामा तीन हजार ९६१ नमूना सङ्कलन गरी परीक्षण गरिएको जनाएको छ । मन्त्रालयका प्रवक्ता डा.जागेश्वर गौतमका अनुसार नयाँ थपिएका बिरामीसँगै नेपालमा कोभिड–१९ सङ्क्रमितको कुल सङ्ख्या १७ हजार ९९४ पुगेको छ । पाँच हजार ४७७ जनामा कोभिड–१९ को सङ्क्रमण सक्रिय रहेको छ । पछिल्लो चौबीस घण्टामा ६०९ जना सङ्क्रमित सङ्क्रमणमुक्त भई घर फर्केका छन् । हालसम्म १२ हजारभन्दा ४७७ सङक्रमित निको भएका छन् ।
