कोरोना अपडेटः थप २०४ सङ्क्रमित, कुल १६ हजार १६८, डिस्चार्ज हुने ६८८
पोखरा, असार २३ । स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा मन्त्रालयका प्रवक्ता प्रा.डा जागेश्वर गौतमले जानकारी दिनुभए अनुसार पछिल्लो २४ घण्टामा २०४ जनामा कोरोना सङ्क्रमण पुष्टि भएको छ । योसँगै कुल सङ्क्रमित संख्या १६ हजार १६८ पुगेको छ ।
आज देशभर ६ हजार १३३ जनाको पीसीआर परीक्षण गरिएकोमा सङ्क्रमित सङ्ख्या २०४ आएको हो । योसँगै जम्मा दुई लाख ६१ हजार ८६१ पुगेको छ । क्वारेन्टाइनमा २६ हजार ७२७, आइसोलेसनमा आठ हजार ६३४ रहेका छन् ।
आज ६८८ जना निको भएर डिस्चार्ज हुनुभएको छ । योसँगै ७४९९ पुगेको छ भने यो ४६ प्रतिशत भन्दा बढी सङ्क्रमित स्वास्थ्य लाभपछि घरमा डिस्चार्ज भएका छन्।
