आर्सनललाई हराउँदै टोटेनहम प्रिमियर लिगको शीर्ष स्थानमा

एजेन्सी। आइतबार राती भएको प्रिमियर लिग फुटबलमा टोटेनहमले आर्सनललाई २–० गोल अन्तरले हराउँदै प्रिमियर लिगको शीर्ष स्थानमा उक्लिएको छ । घरेलु मैदानमा टोटेनहमलाई जित दिलाउन ह्युङ मिन सन र ह्यारी केनले एक–एक गोल गरे । खेलको १३ औं मिनेटमा सनले गोल गर्दै घरेलु टोलीलाई अग्रता दिलाए । पहिलो हाफको इन्ज्यूरी समयमा केनले गोल गर्दै टोटेनहमलाई २–० को जित दिलाए ।
त्यस्तै हिजो भएको खेलमा क्रिस्टल प्यालेसले वेस्ट ब्रमलाई ५–१ गोलले, लिभरपुलले वल्भसलाई ४–० गोेलले, लिचेस्टर सिटीले सेफिल्ड युनाईटेडलाई २–१ गोलको अन्तरले हराएको छ ।
जितसँगै टोटेनहम तालिकाको शीर्ष स्थानमा उक्लिएको छ । टोटेनहमले ११ खेलमा २४ अंक जोडेको छ । पराजित आर्सनल १४ अंक जोडेर तालिकाको १५ औं स्थानमा छ ।