प्रिमियर लिगः एभर्टन प्रिमियर लिगको शीर्षस्थानमा
एजेन्सी । इंग्लिस प्रिमियर लिग अन्तर्गत शनिबारको खेलमा क्रिस्टल प्यालेसलाई हराउँदै एभर्टन लिग तालिकाको शीर्ष स्थानमा उक्लिएको छ ।
खेलको दशौं मिनेटमा नै अग्रता लिएको एभर्टनले सिजनमा तेस्रो जित दर्ता गर्न सफल भयो। अवे मैदानमा भएको खेलमा उसले क्रिष्टल प्यालेसलाई २–१ ले पराजित गरेको हो ।
डोमिनिक–काल्भर्ट लेविनको गोलबाट एभर्टनले सुरुवाति अग्रता लियो। चेइखो कुयाटेले २६ औँ मिनेटमा क्रिष्टल प्यालेसका लागि बराबरी गोल फर्काए । दोस्रो हाफमा दुवै टोलीले गोलको प्रयास गरेपनि सफल हुन नसक्दा खेल एभर्टनले २–१ ले जित्यो । ४० औँ मिनेटमा पाएको पेनाल्टीमा रिचार्लिसनले गोल गरेपछि एभर्टनको जित निश्चित भएको हो । यसअघिको खेलमा टोटेनहाम र वेस्टब्रमलाई हराएको एभर्टन ९ अंकसहित शीर्ष स्थानमा छ ।
त्यसैगरी प्रिमियर लिग अन्तर्गत गए रातीको खेलमा म्यानचेष्टर युनाईटेडले ब्राइटनलाई ३–२ गोलले, साउथ हाम्पटनले बर्नेलीलाई १–० गोलमा हराए भने चेल्सी र वेस्ट ब्रम ३–३ गोलको बराबरीमा खेले ।
