शालोम ए.जी चर्चका सिफास रानाले जिते गायन प्रतियोगिता
पोखरा । आओ परमप्रभुको निम्ति हामी आनन्दले गाऔँ भन्ने मुल मर्मको साथ जवानहरुमा रहेको गायन प्रतिभालाई उजागार पार्ने उद्धेश्यले पोखरेली ख्रीष्टिय युवा संगतिको आयोजनामा खुल्ला एकल गायन प्रतियोगिता सम्पन्न भएको छ । प्रतियोगितामा शालोम ए.जी चर्चका सिफास राना मगर प्रथम भएका छन । त्यसैगरी उक्त प्रतियोगितामा नेपाल ख्रीष्टिय रामघाट मण्डलीका अमिन परियार द्वितीय र सान्त्वना चर्चका फिलिप तामाङले तेस्रो पुरस्कार जिते । प्रतियोेगिहरुले क्रमश नगद रु आठ हजार, छ हजार र चार हजार नगद, प्रमाणपत्र साथै ट्रफी जितेका छन । प्रतियोगितामा पोखरेली ख्रीष्टिय समुदाय अन्तर्गतका सत्रवटा मण्डलीका प्रतियोगीहरुले भाग लिएका थिए ।
शालोम ए.जी चर्च फुलबारी पोखरामा सम्पन्न भएको प्रतियोगितामा निर्णायकको रुपमा पा.महिपाल लामा, लिली रसाईली र सुबास गुरुङ थिए । प्रतियोगितामा प्रमुख अतिथीको रुपमा पोखरेली ख्रीष्टिय समुदायका अध्यक्ष एल्डर लाजरस हितैषी, अतिथीको रुपमा पोखरेली युवा संगतिका निवर्तमान अध्यक्ष प्रकाश भुजेल लगायतको उपस्थिति रहेको थियो । कार्यक्रम युवा संगतिका सचिवले किरण नेपालीले औपचारिक रुपमा उद्घोषण गरेपछि प्रतियोगितालाई सह पाष्टर दिपेन गुरुङले सन्चालन गरेका थिए । थापा क्याटरिङ, तोडा मार्ट र लाईट न्युजले पुरस्कारको प्रायोजन गरेका थिए ।
