कोरोना संक्रमित संख्या घट्दै, १०८ नयाँ सङ्क्रमित थपिए, कुल १६ हजार ५३१
पोखरा असार २५ । पछिल्लो एक साता यता नेपालमा नयाँ थपिने विरामीको सङ्ख्या घट्दै गएको छ । नेपालमा कोरोनाभाइरसका १०८ जना नयाँ सङ्क्रमित थपिएका छन् । पछिल्लो २४ घण्टामा एक सय आठ जना सङ्क्रमित थपिएसँगै कुल सङ्क्रमित हुनेको सङ्ख्या १६ हजार ५३१ पुगेको छ । बुधबार २४ घण्टामा २५५ जना नयाँ सङ्क्रमित थपिएका थिए। त्यसैगरी पछिल्लो २४ घण्टामा १३९ जना कोरोना सङ्क्रमितमुक्त भएर घर फर्केका छन् । हालसम्म सात हजार ८९१ जना कोरोनामुक्त भएका छन् । नेपालमा अहिलेसम्म आठ हजार ६४० जनामा कोरोना भाइरसको सङ्क्रमण सक्रीय रहेको छ । सबै सङ्क्रमित आइसोलेशनमा छन् ।
