कोरोना अपडेटः थप ४८२ सङ्क्रमित, कुल १४ हजार ४६ पुग्यो
पोखरा, असार १७ । बुधबारको तथ्याङ्क अनुसार कोरोना भाइरस सङ्क्रमितको सङ्ख्या १४ हजार ४६ पुगेको छ । स्वास्थ्य तथा जनसङ्ख्या मन्त्रालयका प्रवक्ता प्रा.डा.जागेश्वर गौतमले पछिल्लो २४ घण्टामा देशभर थप ४८२ जनामा कोरोना सङ्क्रमित थपिएको जानकारी दिनुभयो ।
त्यसैगरी देशभर निको हुनेको संख्या चार हजार ६५६ डिस्चार्ज भएका छन् । यस्तै, क्वारेन्टाइनमा ४८ हजार ३६२ र आइसोलेसनमा नौ हजार ३६० जना रहेका छन् । असार १४ गते अछामका ४५ वर्षका एक जना पुरूषको मृत्यु भएको छ । अछामको बयलपाटा अस्पतालमा भएको मृत्युपछि लिएको स्वाबमा असार १६ गते कोरोना पुष्टि भएको छ ।
