थप ८३० सङ्क्रमित, निको हुने दर करीब ९५ प्रतिशत
पोखरा, मंसिर २८ गते । स्वास्थ्य तथा जनसंख्या मन्त्रालयका अनुसार नेपालमा कोरोना भाइरसका ८३० सङ्क्रमित थपिएका छन् । पछिल्लो चौबीस घण्टामा एक हजार पाँचसय जना सङ्क्रमित निको भएर घर फर्केका छन् ।
पाँचहजार १८१ जनाको आरटीपीसीआर परीक्षण गरिएकोमा पछिल्लो चौबीस घण्टामा ८३० सङ्क्रमित थपिएको हो । थपिएका सङ्क्रमितसँगै नेपालमा कोरोना भाइरसका कुल सङ्क्रमित दुई लाख ४८ हजार ४२३ पुगेको छ । एक हजार पाँचसय जना निको भएर घर फर्केको जनाएको छ । हालसम्म दुई लाख ३५ हजार ७३१ जना सङ्क्रमित निको भएका छन् ।
मन्त्रालयका अनुसार हाल दश हजार ९९५ जनामा मात्रै भाइरसको सङ्क्रमण सक्रिय छ । नेपालमा निको हुने दर बढिरहेको छ । अहिले नेपालमा निको हुने दर ९४.८९ प्रतिशत रहेको छ । मन्त्रालयले हालसम्म १८ लाख ३१ हजार ४१ जनाको आरटीपीसीआर परीक्षण गरिएको जनाएको छ ।
नेपालमा अहिले ५१६ जना क्वारेन्टिनमा रहेका छन् । पछिल्लो चौबीस घण्टामा ९ जना सङ्क्रमितले ज्यान गुमाएका छन् । उक्त मृतकसँगै नेपालमा कोरोनाभाइरसबाट हालसम्म मृत्यु हुनेको संख्या एक हजार ६९८ पुगेको छ ।
