नेपालमा सङ्क्रमण संख्या एक लाख नाघ्यो, थप दुई हजार ५९ जना संक्रमित
पोखरा, असोज २३ गते । स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा नेपालमा कोरोना भाइरसका दुइ हजार ५९ जना सङ्क्रमित थपिएका छन् । थपिएका सङ्क्रमितसहित नेपालमा कुल संक्रमण संख्या एक लाख ६७६ जना पुगेको भने हाल २७ हजार ५३ जनामा भाइरसको सङ्क्रमण सक्रिय छ क्वारेन्टिनमा चार हजार ७०३ छन् ।
त्यसैगरी मन्त्रालयले पछिल्लो चौबीस घण्टामा एक हजार ६८० जना कोरोना सङ्क्रमित निको भएर घर फर्केको बताएको छ । हालसम्म ७३ हजार २३ जना सङ्क्रमित निको भएर घर फर्केका छन् ।
पछिल्लो चौबीस घण्टामा १० जनाको कोरोना भाइरसका कारणले मृत्यु भएको छ । योसँगै नेपालमा कुल छसय जनाको मृत्यु भएको जानकारी प्राप्त भएको छ ।
