प्रिमियर लिगः लिभरपुल र युनाइटेडले बराबरी भयो
एजेन्सी । म्यानचेस्टर युनाइटेडसँग गोलरहित बराबरी खेलेपछि लिभरपुल पुनः प्रिमियर लिगको शीर्षस्थानमा उक्लेको छ । घरेलु मैदानमा युनाइटेडले पहिलो हाफमा गोलका केहि राम्रो अवसर पाएर पनि गोल गर्न सकेन । जेसी लिङगार्डको प्रयासलाई लिभरपुलका गोलकिपर एलिसनले विफल पारे भने एन्ड्रिुय रोबार्टसनको कर्नमा जोन माटिपको प्रहार क्रसबारमा लागेर फर्केको थियो । त्यस्तै एस्ले योङको क्रसमा पाउल पोग्बो हेड क्रसबारमा लाग्यो ।
यो नतिजापछि लिभरपुलको ६६ अंक पुगेको छ । साविक विजेता म्यानचेस्टर सिटीको भन्दा लिभरपुलको १ अंक बढी छ । युनाइटेडको ५२ अंक पुगेपछि शीर्ष चार स्थानबाट तल झरेको छ । त्यसैगरी अर्को खेलमा आर्सनलले साउथ हेम्टनलाई २–० ले हराएको थियो । छैटौं मिनेटमा एलेक्सन्डर लाकाजेटको गोलमा अग्रता लिएको आर्सनलका लागि हेनरिक मखातारेयिनले १७ औं मिनेटमा गोल गरेका थिए । २७ खेलपछि लिभरपुल, सिटी, टोटेननह्याम र आर्सनल शीर्ष चार स्थानमा छन् ।
