लुइस स्वारेजको ह्याट्रिकमा बार्साले ५–१ ले रियललाई हरायो
विश्वकै सर्वाधिक सफल दुई फुटबल क्लब बार्सिलोना र रियल मड्रिडबीच भएको एल क्लासिकोमा बार्सिलोनाले ५ गोल गर्दै रियलमाथी विजयी भएको छ । खेलको पहिलो हाफबाट नै दवाब सिर्जना गर्दै कउटिन्होले गोलको खाता खोले भने लुइस स्वारेजले पेनाल्टीको अवसरलाई सदुपयोग गर्दै बार्सिलोनाले पहिलो हाफबाट नै २ गोलको अग्रता बनाइराख्यो ।
त्यसैगरी खेलको दोस्रो हाफमा रियलको तर्फबाट मार्सेलोले १ गोल गरेतापनि त्यसपछि रियलले कुनै पनि गोल थप्न सकेन । खेलमा अग्रता ल्याउँदै स्वारेजले फेरि ७५ र ८३ औँ मिनेटमा गोल गर्दै ह्याट्रिक गरे साथै आर्टुरो भिडालले अन्त्यमा एक गोल गर्दै बार्सिलोनाले फराकिलो जित हात पार्यो ।
मेस्सी र रोनान्डोबिना नै भएको यो खेलले उत्तिकै रोचकताका साथ सबैलाई तरंगित बनायो खेलमा मेस्सी मैदानबाहिरबाट पनि निकै उत्साहित देखिन्थे ।
