लेखनाथ युथ संगतिको आयोजनामा वक्तृत्वकला प्रतियोगिता सम्पन्न

नेपालको अति नै सुन्दर नगरी पोखरामा अवस्थित जवानहरुको माझ सेवकाई गर्दै आईरहेको लेखनाथ युथ संगतिको आयोजनामा असोज २० गते वक्तृत्वकला  प्रतियोगिता सम्पन्न भएको छ । ‘आराधना’ शीर्षकमा रही आयोजना गरिएको  प्रतियोगिता लेखनाथमा रहेका चर्चहरुका जवानहरुले भाग लिएका थिए जसमा आफ्नो निकै राम्रो प्रतिभालाई प्रस्तुत गरी नेपाल ख्रीष्टिय तालचोक चर्च, तालचोकबाट सृष्टि मल्ल प्रथम भएकी थिइन् । प्रथमलाई प्रमाण पत्र र उपहार प्रदान गरिएको थियो । नियार्णक मण्डलमा WAHM Nepal का संस्थापक तथा गेतसमनी चर्च पाष्टर अमृत पुन र मारानाथा चर्च, सिम्पानीका आराधना अगुवा विर ब. तामाङ रहनुभएको थियो । हुर्कदै गरेका जवानहरुको आत्मिक, वौद्विक तथा कलालाई विकास गर्ने उद्देश्य सहित उक्त प्रतियोगिता परमेश्वरको वचन मण्डली (Word of God), तल्लो गगनगौंडामा सम्पन्न भएको थियो ।