कोरोना अपडेटः नयाँ तीन हजार ४३९ जना सङ्क्रमित
पोखरा, असोज २१ गते । स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा नेपालमा कोरोना भाइरसका तीन हजार ४३९ जना सङ्क्रमित थपिएका छन् ।
४ हजार २०९ जनाको आरटीपीसीआर परीक्षण गरिएकोमा सो संख्यामा सङ्क्रमित थपिएका हुन् । थपिएका सङ्क्रमितसहित कुल संख्या ९४ हजार २५३ पुगेको छ । हाल सक्रिय संक्रमितको संख्या २५ हजार सात जना रहेको छ । सोही संख्यामा होम र संस्थागत आइसोलेसनमा बसेका छन् । क्वारेन्टिनमा चार हजार १६४ रहेका छन् ।
त्यसैगरी चौबीस घण्टामा एक हजार १२६ जना कोरोना सङ्क्रमित निको भएर घर फर्केको बताएको छ । हालसम्म ६८ हजार ६६८ जना सङ्क्रमित निको भएर घर फर्केका छन् । सङ्क्रमण सक्रिय भएकामा मध्ये २३३ जना आइसीयू र ३७ जना भेन्टिलेटरमा रहेर उपचार गराइरहेका छन ।
पछिल्लो चौबीस घण्टामा १५ जनाको कोरोना भाइरसका कारणले मृत्यु भएको छ । योसँगै कोरोनाको कारण नेपालमा कुल ५७८ जनाको मृत्यु भएको छ
