नेपालमा कोरोनाका ८५५ जना नयाँ सङ्क्रमित थपिए, कुल ३३ हजार ५२३ पुग्यो
पोखरा, भदौ ९। स्वास्थ्य मन्त्रालयको नियमित प्रेस ब्रिफिङ्कमा पछिल्लो चौबीस घण्टामा नेपालमा कोरोना भाइरसका ८५५ जना नयाँ सङ्क्रमित थपिएका छन । थप सङ्क्रमितमा २७१ महिला र ५८४ जना पुरुष रहेका छन् ।
दश हजार ४५३ जनाको आरटी पीसीआर परीक्षण गरिएकोमा कुल सङ्क्रमितको सङ्ख्या ३३ हजार ५२३ पुगेको हो । मन्त्रालयले पछिल्लो चौबीस घण्टामा ३१३ जना कोरोना सङ्क्रमित निको भएर घर फर्केको जनाएको छ । सङ्क्रमित वृद्धि हुँदै गर्दा निको हुने दर भने अहिले विस्तारै घट्दै गएको छ । हाल सङ्क्रमित निको हुने दर ५७ प्रतिशतमा झरेको छ । क्वारेन्टिनमा अहिले दशहजार ४५३ जना रहेका छन् ।
त्सैगरी नेपालमा २४ घण्टामा सातजनाको मृत्यु भएको छ । योसँगै मृत्यु हुनेको सङ्ख्या १६४ पुगेको छ ।
