कोरोना अपडेटः थप २१० जनामा संक्रमण,कुल १९२७३
पोखरा, साउन १४। नेपालमा कोरोनाभाइरसका २१० जना नयाँ सङ्क्रमित थपिएका छन । पछिल्लो चौबीस घण्टामा छ हजार ३७ जनाको स्वाबको नमूना सङ्कलन गरी परीक्षण गरिएकोमा २१० जना सङ्क्रमित पुष्टि भएको स्वास्थ्य तथा जनसंख्या मन्त्रालयले जानकारी दिएको छ । हाल नेपालमा कोभिड –१९ का पाँच हजार ३६० जनामा सङ्क्रमण सक्रिय रहेका छन भने हालसम्म नेपालमा कोरोनाभाइरसबाट १९ हजार २७३ जना सङ्क्रमित भएको जानकारी प्राप्त भएको छ ।
मन्त्रालयका प्रवक्ता डा.जागेश्वर गौतमले पछिल्लो चौबीस घण्टामा १४६ जना बिरामी कोरोनामुक्त भई घर फर्केको बताउनुभएको छ। हालसम्म १४ हजार २१ जना कोभिड–१९ का बिरामी निको भएर घर फर्केका छन् ।
