कोरोनाभाइरस अपडेटः १३९ नयाँ सङ्क्रमित थपिए, ६२६ निको
पोखरा, साउन १२ । पछिल्लो २४ घण्टामा नेपालमा कोरोनाभाइरसका १३९ नयाँ सङ्क्रमित थपिएका छन।
स्वास्थ्य तथा जनसंख्या मन्त्रालयले आफ्नो नियमित पत्रकार सम्मेलनको जानकारी अनुसार सोमबार १३९ जना नयाँ सङ्क्रमित थपिएसँगै नेपालमा कोभिड–१९ का कुल सङ्क्रमितको संख्या १८ हजार ७५२ पुगेको जनाएको छ । नेपालमा हाल कोभिड–१९ को भाइरस सक्रिय रहेको सङ्क्रमितको संख्या चार हजार ९५० रहेको मन्त्रालयले जनाएको छ ।
हाल क्वारेन्टिनमा रहेका कोरोना आशंकितको संख्या १६ हजार ३७९ रहेको छ भने आइसोलेशनमा करिब पाँच हजार जना बिरामी छन् ।
पछिल्लो चौबीस घण्टामा ६२६ जना कोरोना सङ्क्रमित निको भएर घर फर्केका छन् । मन्त्रालयका अनुसार हालसम्म १३ हजार ७५४ जना सङ्क्रमित निको भएर घर फर्किसकेका छन् ।
